Space Jam: A New Legacy нь аль ч насны сурагч кодчилолыг өвөрмөц аргаар суралцах боломжийг олгож буй хөтөлбөр юм. Сагсан бөмбөг болон кодчилол хоорондоо бидний бодож байгаагаас ч илүү нийтлэг талуудтай. Жишээ нь: Сагсан бөмбөг тоглох, код бичих үед тухайн хүнээс дадлага туршлага, бүтээлч сэтгэлгээ болон бэлтгэл зэргийг адилхан шаарддаг.
Тиймээс Microsoft корпораци киноноос санаа аван сурах материалыг багш болон оюутнуудад зориулан боловсруулсан байна.
Сурагчид өөрийн сонирхдог зүйлээрээ дамжуулан цааш суралцаж, илүү ихийг нээн илрүүлэх боломжтойг судалгаагаар харуулсан байдаг. Иймээс Microsoft-ын санал болгож буй хичээлүүд нь амьдралд тулгарч болох бодит асуудлууд дээр суурилж түүнийг шийдэх хэлбэрээр явагддаг байна.
Space Jam: A New Legacy on Microsoft Learn тусламжтайгаар богино хугацаанд код бичиж сурах
Илүү хурдтай, ахисан түвшинд суралцагчдад зориулан Microsoft Learn дээр Visual Studio Code болон Azure ашиглаж Python мөн JavaScript бичиж сурах шинэ аргыг Microsoft танилцуулж байгаа. Энэ арга нь Space Jam киноноос санаа авч Tune Squad сагсны багийг ялалтад хүргэх боломжийг нарийвчлөх замаар Data science болон Machine learning мэдлэг олгох юм. Үүнтэй холбоотойгоор Dr. Sarah Guthals, Ph.D тухайн суралцах аргыг тайлбарласан жижиг хэмжээний сургалтын цуврал видео хичээлүүдийг бэлтгэн гаргасан байна.
Суралцагч нар NBA болон WNBА-н жинхэнэ тоглогч нарын дата дээр тулгуурлан тоглогч тус бүрийг талбайд хэрхэн үр дүн сайтай тоглуулах талаар суралцаж түүгээрээ вэб апплейкшн зохион бүтээснээр тоглогч ядрах үед завсарлага авахуулах, сайн амарсан тоглогчийг талбайд гаргах зэрэг дасгалжуулагчийн ажлыг хийнэ. Энэ талаар илүү их мэдээлэл авахыг хүсвэл Microsoft Tech Community-с унших боломжтой.
Microsoft Store-оос зохион байгуулдаг онлайн кодчилолын сургалтанд бүртгүүлэх
Энэ онлайн сургалт нь “ Space Jam: A New Legacy coding workshop” гэх нэртэй бөгөөд 8 болон түүнээс дээш насныхан бүртгүүлэн блокд суурилсан кодыг MakeCode Arcade platform ашиглан бичиж тоглож болохуйц видео тоглоомын анхны хувилбарыг бүтээх юм. Эцэг эхчүүд болон хүүхдүүд энэхүү онлайн сургалтанд бүртгүүлснээр нэмэлтээр бусад үнэгүй сургалтуудад хамрагдан шинэ ур чадварт суралцах боломжтойгоос гадна хүүхдүүд чөлөөт цагаа зөв зарцуулахад ашиглах боломжтой юм.
Мөн багш нарт зориулан STEAM хөтөлбөрийн дагуу сургалтыг хялбар аргаар заах боломжтой хувилбарыг гаргасан. Багш нар Microsoft Store-с Space Jam: A New Legacy curriculum гэх сургалтын хөтөлбөрийг татан авч ашиглах боломжтой.
