Та байгууллагынхаа дотуур утасны систем буюу PBX – ийг Microsoft Teams платформтой хэрхэн интеграц хийж ажиллуулах талаар сонирхож байгаа бол энэ нийтлэлийг санал болгоё.
Microsoft Teams Calling Plans
Teams Platform нь байгууллагын хэрэглэгчид хоорондоо дуудлага хийх үнэгүй боломжийг олгодог. Харин байгууллагаас гадагш дуудлага хийх, гаднаас дуудлага хүлээн авахад зориулж Calling Plan үйлчилгээг төлбөртэйгөөр гаргасан боловч уг үйлчилгээг авах боломжтой оронд манай улс хараахан багтаагүй. Одоогийн байдлаар 110 гаруй орон уг үйлчилгээг авах боломжтой.
Уг жагсаалтад багтаагүй хэдий ч дотуур утасны системээ Microsoft Teams платформтой холбож ашиглах боломжтой. Session Border Controller (SBC) буюу олон Service Provider-уудын хооронд SIP өгөгдлийг дамжуулах зориулалттай төхөөрөмжийг ашигласнаар одоогийн утасны дугаарлалтаа хэвээр хадгалж Teams платформтойгоо холбож ашиглаж чадна. Ингэснээр доорхи давуу талууд үүснэ.
- Одоогийн утасны дугаарлалтаа Teams-тэй холбож ашиглах боломжтой болно.
- Teams дээр гаднаас дуудлага хүлээн авах, гадагш дуудлага хийх боломжтой болно. (Монгол улс доторхи болон олон улсын дуудлага)
- Утасны аппарат-д хөрөнгө оруулах зардлыг багасгана.
- Газар зүйн байршлаас хамааралгүй интернэтийн холболттой л явахад байгууллагын дотуур дугаар руу дуудлага хийх, гар утас руу дуудлага хийх боломжтой.
Архитектурын хувьд Service Provider-ийн хост үйлчилгээг авах эсвэл өөрийн дата төвдөө SBC төхөөрөмжийг суурилуулах гэсэн сонголтууд бий.
Майкрософтоос итгэмжилсэн Audiocodecs, Ribbon Communications, Thinktel, Oracle, Te Systems, Metaswitch, Cisco зэрэг SBC үйлдвэрлэгчид байгаа бөгөөд эдгээр байгууллагуудтай бид албан ёсны партнераар ажиллаж байна.