Өнгөрсөн сард Майкрософт нь Windows 11 – ийг танилцуулсан бол Microsoft Inspire 2021 онлайн арга хэмжээний үеэр Windows 365 гэх цоо шинэ бүтээгдэхүүнээ танилцууллаа.
Covid-19-тэй холбоотойгоор байгууллагууд оффист ажиллах ажилтны тоог багасгаж зарим ажилтнаа гэрээс ажиллуулах болсон нь хайбрид ажлын байрыг бий болгох зайлшгүй шаардлага үүсээд байна. Microsoft энэ шаардлагад нийцсэн нэгэн шинэ бүтээгдэхүүн нэвтрүүлсэн нь байршил, төхөөрөмжөөс/ Mac, iPad, Linux, Android/ үл хамааран хандаж болох Windows 365 буюу Cloud PC хэмээх шинэ ангилал юм.
Ажилтан хувийн компьютероос компанийн сүлжээнд холбогдоход тодорхой хэмжээний эрсдэл үүсдэг бол Windows 365 нь компанийн сүлжээнд байнга холбоотой байх тул локал эсвэл хувийн VPN ашиглах шаардлагагүйгээр хаанаас ч, хэзээ ч яг оффис дээрх компьютероосоо холбогдож байгаа мэт ажиллах боломжтой болж байгаа юм.
Cloud PC нь Microsoft Endpoint Manager дээр физик төхөөрөмжүүдтэй хамт харагдаж, удирдах боломжтой ба шинээр дэд бүтэц нэмэх эсвэл шинэ зүйл сурах шаардлагагүй тул мэдээллийн технологийн ажилтнуудын ажлыг хөнгөвчлөх юм.
Шинэ хэрэглэгчдэд Windows 365 нээж өгөхийн тулд дараах шаардлагыг хангасан байх хэрэгтэй.
- Тухайн хэрэглэгч лицензтэй байх
- Azure AD группэд нэгдсэн байхад л хангалттай.
Мөн админууд өөрийн байгууллагын бүх Cloud PC- үзүүлэлтүүдийг хянах боломжтой ба компьютерын үзүүлэлтийг харуулсан автомат тайланд тулгуурлан Cloud PC-ний үзүүлэлтийг нэмэх эсвэл хасах боломжтой.
Cloud PC нь хувийн компьютероос тусдаа байх тул байгууллагын админ нь бүх өгөгдлийг хянах ба хэрэглэгч байгууллагын мэдээллийг хувийн компьютерт хуулах боломжгүй юм. Үүнээс гадна Windows 365 нь Zero Trust аюулгүй байдлын загварыг ашигладаг. Өөрөөр хэлбэл бүх log-in нэвтрэлт болон Cloud PC-д нэвтрэх оролдлогыг хянах multifactor authentication(MFA), conditional access management болон хэрэглэгчийн эрхийг тохируулах зэргээр аюулгүй байдлын чангатгалуудыг хийж болно. Мөн Microsoft Defender-ийг ашиглаж болно.
