Судалгаа, консалтинг чиглэлд мэргэшсэн Forrester Consulting компани MS Teams-ийг нэвтрүүлэн ашиглаж буй 6 харилцагч компани, 2 партнер компанитай хамтран Teams платформыг ашигласнаар бизнесийн хөрөнгө оруулалтын өгөөж ямар нөлөө үзүүлж буй судалгааг хийсэн байна.
Microsoft Teams платформ руу шилжихээс өмнө компаниудын үйл ажиллагаанд дараах асуудлууд байсан байна. Үүнд:
- Хөдөлмөрийн бүтээмж нэмэгдүүлэх, өгөгдлийг үр ашигтай хэлбэржүүлж харуулах хэрэгслүүд хангалттай байсан хэдий ч ажилтнууд тэдгээрийг тогтмол ашиглах дадал суугаагүй байв.
- Ажилтнууд аппликэйшн болон хэрэгслүүдийн хооронд дэлгэцээ байнга шилжүүлэх шаардлагатай байснаар цаг хугацаа алдаа бүтээмжид сөргөөр нөлөөлж байв.
- Ажилтнууд заримдаа олон нийтэд нээлттэй 3-дагч аппликэйшн сонгон ашиглаж байсан нь тухайн байгууллагын мэдээллийн аюулгүй байдлын эрсдлийг нэмэгдүүлж байв.
Харин Microsoft Teams платформыг ашигласнаар ажилтнуудын хөдөлмөрийн бүтээмж нэмэгдэх, мэдээллийн аюулгүй байдлын түвшин дээшлэх, өгөгдөл алдагдахаас сэргийлэх, байгууллагын эерэг соёлыг бий болгоход хүчтэй нөлөө үзүүлж, дижитал шилжилт, инновацийг хурдасгаж байгаа нь ажиглагджээ. Энэхүү судалгаагаар 3 жилийн хугацаанд төслийн хөрөнгө оруулалтын өгөөж (PROI) 393% -аас 1,085% болон өссөн ба үүнээс гадна мөнгөн бус дараах үр өгөөжийг авчирсан байна.
Үүнд:
- Ажилтуудын сэтгэл ханамж дээшилсэн – Сайжруулсан функцүүдийг агуулсан нэгдмэл бүтэцтэй, ашиглахад хялбар платформ нь ажилтнуудын үр ашиггүй хөдөлмөр зарцуулалтыг багасгаж, ажлаас авах сэтгэл ханамжийг дээшлүүлсэн. Нийт +400 аппликэйшн Teams store дээр байрлаж, +3,500 Microsoft 365 партнеруудын аппликэшн байрлаж байна.
- Оновчтой шийдвэрийг цаг алдахгүй гаргах боломжтой болсон – Data Visualization Tools-г ашигласнаар өгөгдлүүдийг цаг тухай бүрт нь ойлгоход ойлгоход хялбар байдлаар харах боломжтой болсон ба энэ байгууллагын шийдвэр гаргах хурдыг нэмэгдүүлсэн.
- Бизнесийн эерэг үр дүн - Teams платформд нэгдсэн аппликэйшнүүдийн тусламжтайгаар бизнесийн үйл ажиллагааг сайжруулж, нэмэлт орлогын урсгалыг бий болгох боломжтой болсон.
Ярилцлагын аргаар судалгаа авахад эдгээр компаниудын 30,000 ажилтны 10% -аас 15% нь Microsoft Teams платформыг өдөр тутамдаа ашигладаг идэвхтэй хэрэглэгчид ба харин үлдсэн ажилтнууд нь Teams-ийг зөвхөн харилцааны зорилгоор ашигладаг болох нь ажиглагджээ.